«Қысқы тәуекелдер: құтқарушылар мен полиция облыс тұрғындарына жүгінді»

Өңірлік коммуникациялар қызметінің алаңында Ақмола облысы ТЖД және құқық қорғау органдары өкілдерінің қатысуымен брифинг өтті.

Іс-шараның тақырыбы "қысқы кезеңнің қауіпсіз өтуі", атап айтқанда, қолайсыз ауа-райы жағдайында автомобиль жолдарында қауіпсіздікті қамтамасыз ету мәселелері болды.

Брифинг синоптиктердің болжамына байланысты. "Қазгидромет" РМК филиалының мәліметінше, өңірде ауа-райының асқынуы күтілуде. Дауыл туралы ескертуге байланысты облыс тұрғындарына аса қажетсіз ұзақ сапарлардан бас тарту және жеке қауіпсіздік шараларын қатаң сақтау ұсынылады.

Сөз сөйлеу барысында Төтенше жағдайлар департаментінің өкілі қыс мезгілі басталғаннан бері ТЖД бөлімшелерімен 134 адам, оның ішінде 120 — шетелдік азаматтар, 33 — балалар құтқарылғанын хабарлады.

Полиция өкілі жыл басынан бері Ақмола облысының жолдарында 30 жол-көлік оқиғасы тіркелгенін атап өтті.

Төтенше жағдайлардың алдын алу мақсатында Төтенше жағдайлар департаментінің күштері мен құралдары жоғары дайындыққа келтірілді. Жергілікті атқарушы органдармен, жол және коммуналдық қызметтермен өзара іс-қимыл ұйымдастырылды. Құтқару бөлімшелері тәулік бойы жағдайды бақылауды жалғастыруда.