Целиноград ауданының әкімі Дарын Сабырғалиұлының Рождество мерекесімен құттықтауы

Құрметті Целиноград ауданының православтық тұрғындары!

Сіздерді – Рождествомен шын жүректен құттықтаймын!

Бұл мерекені атап өту дәстүрлі діндер өкілдерінің сабақтастығы мен мәдениетінің біздің қоғамда өркен жайып келе жатқандағының айғағы бола алады.

Сіздер басқа да конфессия өкілдерімен бірге, Мемлекет басшысы Қасым-Жомарт Кемелұлы Тоқаев алға қойған қоғамның асыл құндылықтарын сақтау, патриотизмді тәрбиелеу, ұлтаралық және конфессияаралық келісімді нығайту, азаматтық қоғам қалыптастыру ісіне үлес қосып келесіздер.

Бұл қызметтеріңіз үлкен құрметке әбден лайық.

Мұның бәрі сайып келгенде, еліміздің әлеуметтік-экономикалық жағынан дамуына елеулі әсерін тигізіп, ел азаматтарынының ертеңгі күнге деген сенімін арттырады.

Бұл жарқын мереке адамдар өміріне сүйіспеншілік пен үміт шұғыласын шашып, айналаңдағы адамдарға қамқор бола білуді үйретеді, ізгілік пен әділдікке баулиды.

Біз ынтымақ пен бірлік арқылы ғана мақсат тұтқан асуларымыздың асқарына көтеріліп, ортақ шаңырағымыз - Қазақстан Республикасындағы сүттей ұйыған тату-тәтті тірлікті келер ұрпаққа мирас қыла аламыз.

Баршаңызға зор денсаулық, сарқылмас бақ-береке тілеймін!

Ойға алған армандарыңыз орындалсын!

Мереке құтты болсын!