Астанадағы жәрмеңкеге Ақмола облысының шаруалары өз өнімдерін ұсынады

Құрметті елорда тұрғындары және қонақтары!

25 қазан күндері  Астанада Ақмола облысы тауар өндірушілерінің қатысуымен ауыл шаруашылығы жәрмеңкесі өтеді.

Жәрмеңкеге 100-ден астам ауыл шаруашылығы тауарын өндірушілер мен қайта өңдеу кәсіпорындары қатысады.

Сіздер 40-тан астам азық-түлік түрін сатып ала аласыздар. Жәрмеңке өнімдерінің бағасы дәстүрлі түрде нарықтық бағадан 10-15%-ға төмен болады.

Облыс фермерлері ет және шұжық өнімдерін, балғын балық, жұмыртқа, сүт және сүт өнімдерін, ұн, картоп және көкөністер әкеледі.

Сондай-ақ, жәрмеңкеде тұтынушыларға көмек көрсету  үшін еріктілер жұмыс істейтін болады.

Келушілердің назарына ақмолалық өнерпаздардың қатысуымен концерттік бағдарлама  ұсынылады.

Тиімді бағамен сапалы өнім сатып алу мүмкіндігін жіберіп алмаңыздар!

Біз сіздерді Қарқаралы тасжолы 1 мекенжайында («Қазанат» ипподромына қарама-қарсы) асыға күтеміз.

Ауыл шаруашылығы жәрмеңкесі сағат 8.00-де басталады.