Целиноград ауданы әкімінің Конституция күнімен құттықтауы

Құрметті Целиноград ауданының тұрғындары!

Сіздерді — Қазақстан Республикасы Конституциясының 30-жылдығымен шын жүректен құттықтаймын!

Конституциямыз – қабылданған күннен бастап тағдыр тоғыстырған көпұлтты халқымыздың татулығы мен тұрақтылығына тұғыр болып келеді. Соның нәтижесінде асқар асулар мен биік белестерді бағындырдық, еңселі елге айналдық. Біз бүгін еліміздің Ата Заңының арқасында еркін еңбек ету, бейбітшілік пен ынтымақтастықта өмір сүру құқығына иеміз. Біздер ұлтаралық және конфессияаралық келісім мен бірлігі жарасқан ел тәуелсіздігінің осы жылдарда қол жеткен табыстарын ерекше мақтан тұтамыз.

Конституция аясында өзін зайырлы, құқықтық мемлекет ретінде қалыптастырған Қазақстанда әр бір азаматтың жеке тұлға ретінде жан-жақты жетілуіне, дамуына, әлеуметтік қорғалуына барынша жағдай жасалған.

Біздің Отанымыздың Негізгі заңы — бұл бостандық пен әділеттілік, адами жоғары өлшемдер мен игіліктер, патриотизм мен төзімділік секілді жалпы танылған құндылықтарға заңдылық күшін беретін, жалпы ұлттық міндеттерді шешу үшін қуатты құрал, тікелей әрекеттегі нақты қолданыстағы құжат.

Біз әр азамат мемлекет қамқорлығында болып және осы мемлекетке қамқорлық жасайтын тәуелсіз, егеменді, гүлденген еліміз Қазақстанды дамытуымыз керек.

Барлықтарыңызға денсаулық, еңбектеріңізге табыс, шаңырақтарыңызға шаттық пен береке, бейбітшілік, ертеңгі күнге сенімділік тілеймін!

Тәуелсіздігіміздің тірегі, мемлекетіміздің жүрегі болған Ата Заңымыз мәңгілік болсын!

Құрметпен, Целиноград ауданының әкімі Дарын Сабырғалиұлы