Конституция күні қарсаңында Ақмешіт ауылында жаңа көше жарығы орнатылды

Целиноград ауданында елді мекендерді абаттандыру және тұрғындар үшін қолайлы жағдай жасау бойынша жүйелі жұмыс жалғасуда. Қазақстан Республикасы Конституциясының 30 жылдығы қарсаңында Ақмешіт ауылында заманауи көше жарығын орнату жұмыстары сәтті аяқталды.

Жобаны жүзеге асыруға аудандық бюджеттен 5,8 млн теңге бөлінді. Жұмыс аясында «АРЭК» АҚ теңгеріміндегі тіректерге бірлескен муфта әдісімен 100 шам орнатылды.

Жалпы, 18 жаңа шам Алтынсарин көшесіне, 23 шам Абай көшесіне, 34 шам Уалиханов көшесіне, 18 шам Тәуке хан көшесіне және 7 шам Жамбыл көшесіне орнатылды. Жарық желісінің жалпы ұзындығы 4 000 метрді құрады. Жобаны «Молжігiт» ЖШС толық көлемде және белгіленген мерзімде орындады.

Жаңа жарықтандырудың енгізілуі жол қозғалысы қауіпсіздігін арттыруға, түнгі уақытта құқықбұзушылықтардың алдын алуға, сондай-ақ тұрғындардың жүріп-тұруына қолайлы жағдай жасауға мүмкіндік береді.

Аудан әкімдігі инженерлік инфрақұрылымды дамыту және ауылдық елді мекендерді абаттандыру жұмыстары жалғасатынын атап өтті. Заманауи жарықтандыру жүйелерін орнату – халық үшін қолайлы әрі қауіпсіз орта қалыптастыру жолындағы тағы бір маңызды қадам.