Целиноград ауданында «Таза Қазақстан» экологиялық акциясы жалғасуда

Целиноград ауданында «Таза Қазақстан» экологиялық акциясы қызу жүріп жатыр. Бұл бастама – табиғатты қорғау, қоршаған ортаны жақсарту және келер ұрпаққа таза, жасыл өлке қалдыру жолындағы маңызды қадам.

Аудан тұрғындары, мемлекеттік мекемелердің қызметкерлері, Жасыл ел жасақтары, жастар және еріктілер – барлығы туған жердің көркін арттыру үшін бірлесіп еңбек етуде. Акция барысында ауыл көшелері мен саябақтар тазаланып, өзен-көл жағалаулары қоқыстан арылтылуда, жас көшеттер отырғызылып, гүлзарлар жаңартылуда.

«Таза Қазақстан» – бұл тек тазалық жұмыстары емес. Бұл – туған жерге деген сүйіспеншілік пен жауапкершіліктің көрінісі. Әрбір азамат өз үлесін қосқанда ғана ауданымыз экологиялық тұрғыдан таза, жайлы және әсем мекенге айналады.