Фермерге бір миллионнан артық теңге субсидиялар төленді

ҚР Мемлекеттік қызмет істері агенттігінің Ақмола облысы бойынша департаментіне фермер қожалығы «Инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау» мемлекеттік қызметін көрсетуден негізсіз бас тарту туралы шағыммен жүгінді.

Осылайша, кәсіпкер жеңілдетілген қаржыландыру бағдарламасы бойынша құны 10 290 000 теңге трактор сатып алған.

Нормативтік құқықтық актілерге сәйкес ауыл шаруашылығы техникасын осындай тәсілмен сатып алған жағдайда субсидия тағайындау кезінде өтініш берушіден төлемді растайтын құжаттар талап етілмейді.

Тексеру барысында қызмет беруші өтінімді қарау кезінде сатып алынған ауыл шаруашылығы техникасы үшін төлемді растайтын құжаттарды талап ете отырып, осы мемлекеттік қызметті көрсету қағидаларын қате қолданғаны анықталды.

Осыған байланысты Департамент мемлекеттік органға қызмет алушының бұзылған құқықтарын қалпына келтіру туралы ұсыныс енгізді.

Нәтижесінде фермер шаруашылығына 1 050 000 теңге субсидиялар төленді.

Мемлекеттік қызметтерді көрсету басқармасының ақпараты