Құрметті Целиноград ауданының тұрғындары!

Облыс әкімі Ахметжанов Марат Мұратұлының тапсырмасы бойынша 2025 жылы алғаш рет өңірде жасына байланысты зейнеткерлерге санаторлық-курорттық емделудің құнын өтеуге қаражат бөлінді. Өтемақы мөлшері 30 АЕК (117 960 теңге), бұл екі жылда бір рет беріледі.

Бұл әлеуметтік көмек «Целиноград ауданының әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы» Целиноград аудандық мәслихатының 2023 жылғы 27 қарашадағы № 80/12-8 шешіміне сәйкес көрсетіледі.

Кімдер өтемақы ала алады?

Жасына байланысты зейнеткерлер, яғни Целиноград ауданында тұрақты тіркелген зейнет жасындағы азаматтар.

Назар аударыңыз! Мүгедектігі бар адамдарға арналған емделу мемлекет есебінен жеке оңалту бағдарламасы шеңберінде жүзеге асырылады және бұл бағдарламаға кірмейді.

Өтемақыны алу тәртібі:

1. Зейнеткер Қазақстан Республикасының аумағындағы кез келген санаторийді өзі таңдайды.

2. Путевканы өз қаражаты есебінен сатып алады (5, 10 немесе одан да көп күнге).

3. Санаторийден оралған соң тұрғылықты жері бойынша жұмыспен қамтуды үйлестіру және әлеуметтік бағдарламалар бөліміне жүгінеді.

4. Келесі құжаттарды ұсынады:

• Төлем шоты;
• Көрсетілген (орындалған) қызметтер туралы акт;
• Жеке куәлік;
• Өтемақы алу туралы өтініш;
• 20 таңбалы банк шотының нөмірі.

Өтемақы шарттары:

• Мемлекет 117 960 теңгеден аспайтын сомаға дейін өтемақы төлейді.
• Егер жолдама қымбат болса, айырмашылығын зейнеткер өзі төлейді.
• Егер жолдама арзанырақ болса, қалған сома қолма-қол берілмейді, тек нақты құжатпен расталған сома ғана аударым арқылы өтеледі.
• Қаражат құжаттар тапсырылған күннен бастап 30 күн ішінде банк картасына түседі.

Анықтама алу үшін: Тел.: 8-71651-30-480