Родина ауылдық округінің волейболшылары - облыстың үш дүркін чемпиондары

2026 жылдың 29 қаңтары мен 1 ақпаны аралығында Көкшетау қаласында 2011-2012 жылы туған жасөспірімдер арасында волейболдан облыстық жарыс өтті.

 

Родина ауылдық округінің командасы дайындықтың жоғары деңгейін, ұйымшылдық пен табандылық көрсетіп, турнирде сенімді жеңіске жетті. Жарыс қорытындысы бойынша біздің волейболшылар өңірлік деңгейдегі көшбасшылық пен тұрақты жетістіктерді растай отырып, облыстың үш дүркін чемпионы атанды.

 

Команданың жетістігіне жаттықтырушы — Панасюк В.В. үлесі зор, оның кәсіби шеберлігі мен жүйелі жұмысының арқасында жас спортшылар осындай жоғары нәтижелерге қол жеткізуде.

 

Жаттықтырушы мен чемпиондарымызды лайықты жеңісімен құттықтаймыз!

Алдағы жарыстарда одан әрі табыс, жаңа жетістіктер мен жарқын жеңістер тілейміз!