Облыстық фольклорлық ансамбльдер фестивал

Егіндікөл аудандық Мәдениет үйінде көрнекті дирижер, домбырашы, күйші және композитор Нұрғиса Тілендиевтің туғанына 100 жыл толуына орай «Көнеден жеткен күмбір» атты облыстық фольклорлық ансамбльдер фестивалі өтті.

Фестивальде Сандықтау ауданын «Думан» фольклорлық ансамблі абыроймен таныстырды. Олардың орындауында дала рухы мен туған жерге деген сүйіспеншілікке толы күйлер мен халық шығармалары орындалды.

Фестиваль Қазақ халық музыкасын сақтау мен насихаттауды, фольклорлық бағыттарды дамытуды, жастардың ұлттық аспаптар мен туған мәдениетке деген қызығушылығын тәрбиелеуді басты міндет етіп қоя отырып, дәстүрге ұқыпты қараудың жарқын үлгісіне айналды.

Фестиваль қорытындысы бойынша барлық қатысушылар ұйымдастыру комитетінің дипломдарымен марапатталды, сондай-ақ ұлттық мәдениетті сақтауға қосқан үлестері мойындау үшін ақшалай сертификаттар табысталды.