Сандықтау ауданының әкімі ауылдардағы су тасқынына қарсы іс-шараларға дайындық барысымен танысты

Көктемгі су тасқынына қарсы кезеңге дайындық мақсатында Сандықтау ауданының әкімі Серік Құдабай, аудан прокуроры Алмас Жақсыбеков және төтенше жағдайлар бөлімінің бастығы Әсет Жанғожин Сандықтау, Жыланды, Быстримовка, Байдалы және Новоселовка ауылдарына барды.

Сапар барысында су басуы ықтимал учаскелерге мұқият тексеру жүргізілді, ормандар мен егістіктердегі қар деңгейі зерттелді, сондай-ақ топырақтың жағдайы тексерілді. Су өткізу құрылыстарының дайындығына ерекше назар аударылды.

Су тасқыны кезеңіне дайындық жұмыстары тұрақты бақылауда және қажетті іс-шаралар су тасқыны маусымы бойы жалғасатын болады. Сондай-ақ, ауа райы жағдайларының мониторингі және төтенше жағдайлар кезінде уақтылы ден қою үшін барлық қызметтердің дайындығы күшейтілетін болады.