Ауылдың даму әлеуеті бар

Бүгін Сандықтау ауданының әкімі Ербол Жүсіпбеков жұмыс сапарымен Белгород ауылдық округінде болып, мекемелердің еңбек ұжымдарымен, ауылдық округ әкімінің аппаратымен кездесіп, әлеуметтік сала нысандарының қазандық жұмысымен танысты.

"Белгородское" ЖШС басшысы ауыл мектебіне, Мәдениет үйіне үлкен қолдау көрсетеді. Ауылдық мектеп оқушыларын тегін тамақпен қамтамасыз етеді, Мәдениет үйі үшін музыкалық аппаратура, спорттық мүкәммал сатып алды. Қыс мезгілінде ЖШС ұзындығы 70 км жолдарды тазалайды.