Балалар музыка мектебінің шәкірттері халықаралық байқауда үздік атанды

Бурабай ауданының Оқжетпес ауылында жас музыканттардың «BURABAY FIESTA V» халықаралық байқауы өтті. Бұл жарқын, әрі әсерлі шараға облыстың түкпір-түкпірінен келген талантты балалар мен жасөспірімдер қатысып, өз өнерлері мен өнерге деген сүйіспеншіліктерін көрсетті.
Балкашино ауылының Балалар музыка мектебінің домбыра дуэті — Шеслер Ангелина мен Әлиш Дарина, ұстаздары Баранов Виталий Юрьевичтің жетекшілігімен өнер көрсетіп, «Аспаптық өнер» номинациясы бойынша жүлделі І- орынды иеленді.
Дарынды шәкірттерді шығармашылық жолында қолдап жүрген ұстаз Баранов Виталий Юрьевичке, ата-аналарға және барша жанашыр жандарға шынайы алғысымызды білдіреміз.
Сіздерге жаңа жеңістер, жарқын өнер көрсетулер, шабыт пен толағай табыстар тілейміз!