Қазақстан Республикасы Тәуелсіздігінің 35- жылдығына арналған өнер мерекесі

Аудандық Мәдениет үйінде Қазақстан Республикасы Тәуелсіздігінің 35- жылдығына арналған «Өнер — халық қазынасы» атты Облыстық халық шығармашылығы байқауының мерекелік гала-концерті өтті.
Концерт басталар алдында қонақтарға дәстүрлі киіз үйлерде орналасқан сәндік-қолданбалы өнер көрмесі ұйымдастырылды.
Концерттік бағдарлама жанрлардың алуандығымен және орындаушылық шеберліктің жоғары деңгейімен көрермендерді қуантты. Ауданның шығармашылық ұжымдары ұлттық нақышқа, шынайы эмоцияға және туған мәдениетке деген сүйіспеншілікке толы әсерлі қойылымдарын ұсынды.
Іс-шара соңында марапаттау рәсімі өтті. Қазылар алқасы қатысушылардың дайындық деңгейінің жоғары екенін атап өтіп, оларға дипломдар табыстады және халық шығармашылығын сақтау мен дамытудың маңыздылығын ерекше атап өтті.