Өңірлік чемпионатта аграрлық-технологиялық колледж студентінің жетістігі

Aqmola-2026 өңірлік WorldSkills чемпионатында Каменка ауылының «Жоғары аграрлық-технологиялық колледжі» МКҚК студенті Әли Юпаев «АШМ» құзыреттілігі бойынша жоғары кәсіби дайындық деңгейін көрсетіп, жүлделі 2-орынды иеленді.
Бұл жетістік — оның мақсаткерлігі, тынымсыз еңбегі және таңдаған мамандығына деген жауапкершілігінің нәтижесі. Осындай деңгейдегі чемпионатқа қатысу тек терең білім мен тәжірибелік дағдыларды ғана емес, сонымен қатар жоғары бәсекелестік жағдайында жұмыс істей білуді, төзімділік пен кәсібилікті талап етеді.
Қатысушыны дайындауға зор үлес қосқан, кәсіби тәжірибесімен бөлісіп, жан-жақты қолдау көрсеткен жетекшісі Сыздықов Сергей Сергеевичке ерекше алғысымызды білдіреміз.
Әли Юпаевты лайықты жеңісімен құттықтаймыз! Оған алдағы уақытта жаңа жетістіктер, кәсіби өсу және толағай табыстар тілейміз!