Ауғанстаннан әскерлерді шығару құрметіне қазақша күрестен Турнир

Турнир жауынгер-интернационалистердің ерлігі мен батырлығына көрсетілген құрметтің белгісі әрі ауданның спорттық өміріндегі маңызды оқиға болды.
Жарысқа Сандықтау және Зеренді аудандарының спортшылары қатысты. Белдесулер тартысты әрі әсерлі өтіп, қатысушылардың жоғары дайындық деңгейін көрсетті.
Жарысқа қатысушылар мен қонақтарға Сандықтау ауданы әкімінің атынан аудан әкімінің орынбасары Нұрлан Нұртайұлы құттықтау сөз сөйлеп, адал күрес пен сәтті өнер көрсетуге тілек білдірді.
Жарыс қорытындысы бойынша жеңімпаздар мен жүлдегерлер марапатталды. Турнир спорт, ерлік пен патриотизм рухындағы шынайы мерекеге айналды.