Құқық бұзушылықтың алдын алу жөніндегі ведомствоаралық комиссияның отырысы

Аудан әкімдігінің мәжіліс залында құқық бұзушылықтың алдын алу жөніндегі ведомствоаралық комиссияның отырысы өтті.
Отырыс барысында көшелер мен қоғамдық орындарда жасалатын құқық бұзушылықтарды алдын алу, тоқтату бойынша ПБ ІІБ-ның қызметінің жағдайы мен нәтижелері, кішкентай құқық бұзушылықтарға қатысты «нөлдік төзімділік» принципін қамтамасыз ету, сондай-ақ азаматтарды қоғамдық тәртіпті қорғауға тарту жұмыстарының ұйымдастырылуы мәселелері қаралды. Арнайы назар жергілікті атқарушы органдардың, сондай-ақ барлық меншік нысанындағы ұйымдар мен кәсіпорындардың қоғамдық тәртіп пен қауіпсіздікті қамтамасыз етудегі рөліне аударылды.
Отырыс қорытындысы бойынша аудан аумағында құқық бұзушылықтардың алдын алу бойынша профилактикалық жұмысты күшейту, сондай-ақ халық арасында құқықтық сауаттылықты арттыруға және қоғамдық орындардағы мінез-құлық ережелерін сақтауға жауапкершілікпен қарауды қалыптастыруға бағытталған ақпараттық-ағартушылық жұмыстарды жүргізу тапсырылды.