30 жылдық достық пен келісім — аудандағы мәдени әртүрлілік пен тұрақтылықтың символы

Қазақстан Республикасының Конституциясы күніне орай Сандықтау ауданында «30 жыл достық пен келісім» фестивалі өтті – бұл бірлік, бейбітшілік пен мәдени әралуандылықтың нышаны.

Мерекелік іс-шара түрлі ұлт өкілдерін ортақ мақсат – қазақстандық қоғамның негізі болып табылатын ұлтаралық келісімді сақтау мен нығайту жолында біріктірді.

Қатысушыларға жылы лебізін Сандықтау ауданының әкімі Серік Құдабай білдірді. Аудан әкімі Конституция – бұл елдің негізгі заңы ғана емес, сонымен қатар біздің егемендігіміздің, тұрақтылығымыздың және барлық азаматтардың теңдігінің берік іргетасы екенін атап өтіп, аудан тұрғындарына ұлтаралық келісімді нығайтуға қосқан үлесі үшін алғысын жеткізді.

Іс-шарада құттықтау сөз сөйлегендердің қатарында ішкі саясат Басқармасы басшысының орынбасары Сабырхан Кенжебаев та болды.

Фестиваль еліміздің мәдени байлығының көрінісіне айналды. Көрермендерге патриоттық әндер, халық билері мен түрлі ұлттардың мәдениетін танытатын музыкалық нөмірлер ұсынылды.

Қонақтар назарына этникалық стильдегі сәндік-қолданбалы өнер көрмесі, ұлттық киімдер, тұрмыстық бұйымдар мен дәстүрлі асхана үлгілері ұсынылды. Әрбір адам түрлі халықтардың мәдениетіне ғана емес, ұлттық тағамдарына да жақын танысуға, сондай-ақ ұлттық ойындар мен спорттық жарыстарға қатысуға мүмкіндік алды.

Бұл іс-шара көптүрлілікте – біздің күшіміз, ал өзара құрмет пен достықта – жарқын болашақтың кепілі екенін тағы бір мәрте еске салған жарқын мерекеге айналды.