Ауданның күші-құнарлылық пен еңбекте

Сандықтау ауданы дәстүрлі түрде алдыңғы қатарлы аграрлық аймақтардың бірі ретінде тұрақты орынды иеленіп келеді. Табиғи-климаттық жағдайлардың қолайлы болуы, құнарлы жерлер мен жер өңдеудің жоғары мәдениеті ауыл шаруашылығының қарқынды дамуына ықпал етіп отыр. Ауыл шаруашылығы — аудан экономикасының негізі.

2025 жылы ауданның жалпы егіс көлемі, өткен жылдардағы көпжылдық шөптерді қоса есептегенде, 370 305,4 гектарды құрады. Аудан аумағында азық-түлік қауіпсіздігіне өз үлесін қосып отырған ірі және орта ауыл шаруашылығы кәсіпорындары жұмыс істейді.

Солардың бірі — «Каменка и Д» жауапкершілігі шектеулі серіктестігі. Шаруашылықтың қарамағындағы жыртылған жер көлемі 22 057,5 гектарды құрайды. Ағымдағы ауыл шаруашылығы маусымында жаздық егіс 18 728,0 гектарға жүргізілді. Егістік алқаптың негізгі бөлігін дәнді және бұршақ тұқымдас дақылдар алып жатыр — 16 208,0 гектар, оның ішінде дәнді дақылдарға 13 935,0 гектар бөлінген. Соның ішінде арпаға 965,0 гектар жер қарастырылған.

Бұл көрсеткіштер жер ресурстарын тиімді пайдалану мен өндірістік белсенділіктің жоғары деңгейін көрсетеді. «Каменка и Д» ЖШС тұрақты даму қарқынын көрсетіп, аудан экономикасына қомақты үлес қосуда және өңірдегі сенімді әрі тиімді ауыл шаруашылығы өндірушілерінің бірі екенін дәлелдеп отыр.