Аудандық маңызы бар автожолда жөндеу жұмыстарының барысын бақылау

Жұмыс сапары аясында аудан әкімі Серік Құдабай аудандық маңызы бар "Васильевка - Тучное" автомобиль жолындағы су өткізу құрылғысын жөндеу учаскесіне барды.

Нысанды тексеру барысында "Сандықтау СтройИнвест" ЖШС мердігерлік ұйымы және "NomadPartners" ЖШС техникалық қадағалау өкілдерінің қатысуымен жұмыс кеңесі өтті. Жұмыстарды жүргізу кестесін сақтау, орындалатын құрылыс іс-шараларының сапасы, сондай-ақ жобаны іске асырудың одан әрі кезеңдері мәселелері талқыланды.

Кездесу қорытындысы бойынша жөндеу жұмыстарын уақтылы және сапалы аяқтауға бағытталған тиісті тапсырмалар берілді.