Алдын алу және қауіпсіздік Сандықтау ауданындағы ата аналар конференциясының қорытындысы

🔰Аудандық Мәдениет үйінде «Қауіпсіз жазғы демалыс» тақырыбында ата-аналар конференциясы өтті.

Конференция жұмысына Сандықтау ауданының әкімі Серік Құдабай, аудан прокуроры Алмас Жақсыбеков, Ақмола облысы полиция департаменті есірткі қылмысына қарсы күрес басқармасының аға жедел уәкілі Разия Курсанова, аудандық білім бөлімінің басшысы Гүлнар Қадырова, сондай-ақ аудандық полиция бөлімінің, төтенше жағдайлар бөлімінің, білім бөлімінің және ата-аналар қауымының өкілдері қатысты.

Іс-шара шеңберінде мынадай мәселелер қаралды: кәмелетке толмағандар арасында нашақорлық пен есірткі қылмыстарын алдын алу, жазғы кезеңде су айдындарындағы балалардың қауіпсіздігі, балалар арасында жол-көлік жарақаттануының алдын алу, жасөспірімдер арасында ерте жүктіліктің алдын алу, жазғы каникул кезеңінде балалардың қауіпсіздігін қамтамасыз ету, ата-аналар мен бала күтімін жүзеге асыратын адамдардың құқықтық жауапкершілігі, қорғаншылық органдарының қызметі және кәмелетке толмағандардың құқықтары мен заңды мүдделерін қорғау жөніндегі қамқоршылық.

Конференция қорытындысы бойынша қатысушылар профилактикалық жұмысты күшейту, ведомствоаралық өзара іс-қимыл, сондай-ақ ата-аналар жұртшылығын балаларды тәрбиелеу, олардың өмірі мен денсаулығын қорғау мәселелеріне белсенді тарту бойынша ұсынымдар әзірледі.