«Гвоздь сезона – 2025»

2025 жылғы 29 маусымда Ақмола облыстық орыс драма театрының 48-ші театр маусымының қорытындысы ретінде VIII дәстүрлі «Гвоздь сезона» театр сыйлығының салтанатты табыстау рәсімі өтті.

⠀         Шара барысында Ақмола облысының мәдениет басқармасының басшысы Айгүл Сабитова сөз сөйлеп, театр ұжымын шын жүректен құттықтады:

«Сіздердің еңбектеріңіз – бұл жай ғана сахна мен репетициялар емес, бұл – рухани байлықтың, шабыттың және өңіріміздің мәдени қуатының қайнар көзі. Жаңа маусымда жарқын премьералар, шығармашылық табыстар және көрермендердің ыстық ықыласын тілеймін!»

⠀         Бұл кеште маусым бойы ерекше көзге түскен актерлер мен театр мамандары марапатталды.

⠀         Сыйлықтар мына номинациялар бойынша табысталды:

* Жылдың үздік актері

* Жылдың үздік актрисасы

* Екінші пландағы үздік актер

* Үздік дуэт

* Жылдың үздік спектаклі

⠀         Арнайы марапаттар да берілді:

* Джоннипатинмайк бейнесін ең әсерлі сомдаған актер

* Театрдың үздік қызметкері

* Жылдың үздік менеджері

⠀         «Гвоздь сезона» – бұл тек қорытынды кеш емес, бұл – театрға қызмет еткен жандарға алғыс білдіретін, шығармашылыққа шабыт беретін, жаңа биіктерге бастайтын ерекше сәт.