Қосшы қаласында қала әкімінің кубогы үшін “Jaidarman” ойыны өтті

Оған еліміздің солтүстік аймақтарынан 5 құрама мен Қосшыдан 4 құрама қатысты.

“Jaidarman”- көңілді тапқырлар өнер көрсететін танымал жастар қозғалысы.

“Jaidarman” ойындары жастардың шығармашылық алаңы ғана емес, қоғамдағы түйткіл мәселелерді әзілмен астарлай жеткізетін өнер додасы.

Жастар әзіл-оспақты қолдана отырып, қоғамның дамуындағы мәселелерді ашуға, ұлттық дәстүр мен мәдени құндылықтарды сақтауға, дамытуға шақырады.

​Бүгінде “Jaidarman” мектеп жасындағы жеткіншектер, студенттер, жұмысшы жастар мен қатар әр саладағы еңбек адамдарының талантын топтастыратын көңілді алаң.

Қосшы қаласында өткен ойында көрермендерге көтеріңкі көңіл күй сыйлаған құрамалар:

✅Қостанай облысы, Торғай ауданының “Жаңа ғасыр” командасы;
✅Қостанай облысы, Рудный қаласының “Қарлығаштың құйрығы неге айыр” командасы;
✅Теміртау қаласының “Ғарыш”командасы;
✅Астана қаласының “Шекер”командасы;
✅Қарағанды қаласының “Бес арыс”командасы;
✅Қосшы қаласының “03 регион”командасы;
✅Қосшы қаласының “Нұрай”командасы;
✅Қосшы қаласының “JasStar”командасы;
✅Тайтөбе ауылының “Тәтелер”командасы.

Қосшы қаласы әкімінің орынбасары Берген Жумкей командаларды құттықтап, сәттілік тіледі.

Ойынды Республикалық “Jaidarman”ойындарының жүргізушісі, әкімгері Фурхат Курбанов жүргізді.

Республикалық ойындардың жеңімпаздары төрелік етті. Нәтижесінде:

Астаналық “Шекер” - бірінші орын;
Тайтөбелік “Тәтелер” - екінші орын;
Қосшылық “03 регион”, “Нұрай”, “JasStar” -үшінші орын иеленді.

Үздік ойыны үшін тайтөбелік “Тәтелер” мен торғайлық “Жаңа ғасыр” ойыншыларына арнайы сыйлық табысталса, өзге құрамалар қатысқаны үшін арнайы жүлделермен марапатталды.