Творческий концерт "Дала сыры"

24 маусымында Қорғалжын ауданында Қазақстанның Халық әртісі, Мемлекеттік сыйлықтың лауреаты, профессор, композитор Кенжебек Күмісбековтің 95 жылдығына арналған «Дала сыры» атты шығармашылық концерт Нұр-Сұлтан қаласынан арнайы шақыртумен келген Е.Рахмадиев атындағы Мемлекеттік академиялық филармонияның Қазақ оркестрі композитордың «Дала Сыры» шығармасын орындауымен ашылды. Дирижері ҚР Мәдениет қайраткері -Нұрлан Бекенов.
Кенжебек Күмісбековтың «Дала сыры» шығармасы өзінің ұстазы – саналы ғұмырын қазақ өнеріне арнаған көрнекті ғалым, композитор Ахмет Жұбановқа арнап жазылған болатын. Концертте оркестр сүйемелдеуімен К.Күмісбековтің танымал шығармалары жоғары деңгейде орындалды. Қорғалжын ауданының күміс көмей әншілері -Төрежан Бейсембеков, Гүлшат Әбубәкірова және Ләззат Құсайынова қазақ оркестрінің акомпониментіне күрделі композицияларды нақшына келтіріп орындап шықты. Аудандық Мәдениет үйінің үлкен залына жиналған халықтың өнерпаздарға деген ризашылығында шек болмады.