Бүгін Қорғалжын ауданының Қорғалжын ауылындағы Мәдениет үйінде аудан тұрғындарына арналған "Қызмет алушы күні" өтті. Іс-шара жоғары деңгейде ұйымдастырылып, көзделген мақсаттарға қол жеткізілді.
Іс-шараның басты мақсаты – жергілікті тұрғындардың өзекті мәселелерін жедел шешу және халық пен мемлекеттік органдар арасындағы тиімді байланысты орнату.
Қоғамдық қабылдау аясында тұрғындар келесі салалар бойынша мамандарға тікелей сұрақ қою мүмкіндігіне ие болды:
-
Жұмыспен қамту және әлеуметтік бағдарламалар бөлімі;
-
Архитектура, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі;
-
Білім беру бөлімі;
-
Аудандық аурухана өкілдері;
-
Ветеринариялық инспекция мамандары.
Ауыл тұрғындары әлеуметтік-тұрмыстық және инфрақұрылымдық мәселелерге қатысты нақты сұрақтар қойып, тиісті мамандардан жан-жақты жауаптар мен түсініктемелер алды.
Ашық форматтағы мұндай кездесулер жергілікті халықты толғандыратын мәселелерді тиімді әрі жедел шешуге септігін тигізеді.
Іс-шараны ұйымдастырушылардың айтуынша, "Қызмет алушы күні" Қорғалжын ауданында тұрақты түрде өткізіліп отырады.
Бүгінгі іс-шараға белсенді қатысқан барлық тұрғындарға алғыс білдіреміз!