Сабында ауылдық округі әкімінің аппараты

       «Қорғалжын ауданы Сабынды ауылдық округі әкімінің аппараты» мемлекеттік мекемесі (бұдан әрі-әкімнің аппараты) ауылдық округ әкімінің (бұдан әрі әкім) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.

Әкімнің аппараты өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Әкімнің аппараты туралы ережеге сәйкес жүзеге асырады.

Әкімнің аппараты мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының заңнамасына сәйкес мемлекеттік тілде өз атауы бар мөрі мен мөртаңбалары, белгіленген үлгідегі бланкілері, қазынашылық органдарында шоттары болады.

Әкімнің аппараты өз атынан азаматтық-құқықтық қатынастарға түседі.

Әкімнің аппараты заңнамаға сәйкес мемлекеттің атынан азаматтық-құқықтық қатынастардың тарапы болуға құқылы.                                                                

Қорғалжын ауданы Сабынды ауылдық округі туралы ережені, оның құрылымын Қорғалжын ауданының әкімдігі бекітеді.

Әкім аппаратының толық атауы «Қорғалжын ауданы Сабынды ауылдық округі әкімінің аппараты» мемлекеттік мекемесі. Заңды тұлғаның орналасқан мекен-жайы: 021307, Қазақстан Республикасы,  Ақмола  облысы,  Қорғалжын ауданы,  Сабынды ауылы, Әнуарбек Үсенұлы   көшесі  №24 үй.

Қорғалжын ауданы Сабынды ауылдық округі әкімінің аппаратын аудан (облыстық маңызы бар қала) әкімдігі құрады, қысқартады және қайта ұйымдастырады.

Әкімнің аппараты жергілікті бюджет есебінен ұсталатын мемлекеттік мекеме болып табылады.