Қала әкімдігінде Наурыз мейрамын ұйымдастыру барысы қаралды

Көкшетау қаласы әкімдігінде қала әкімі Әнуар Күмпекеевтің төрағалығымен өткен аппараттық кеңесте «Наурыз мейрамын» дайындау және өткізу мәселелері қаралды.
Мерекелік іс-шаралар 22 наурыз күні Абылай хан алаңында және «Жаңа Жағалау» аумағында өтеді. Жауапты қызметтерге іс-шараларды ұйымдастыру, қоғамдық қауіпсіздікті, медициналық сүйемелдеуді және санитарлық тәртіпті қамтамасыз ету тапсырылды.
Сондай-ақ кеңес барысында міндетті әлеуметтік медициналық сақтандыруды (МӘМС) енгізу мәселесі талқыланып, жұмыс берушілердің жарналарды уақтылы төлеуіне бақылауды күшейту қажеттігі атап өтілді.