Көкшетау қаласының әкімінің Красный Яр ауылы тұрғындарымен есептік кездесуі өтті

Кездесу барысында ауылдағы ауызсу мәселелері, кәріз жүйесінің жағдайы, жолдардың сапасы, көше жарығы және мектеп бағыттарындағы қауіпсіздік мәселелері талқыланды.
Өткен жылы ауылда ауқымды абаттандыру жұмыстары атқарылды. «Шағалалы» өзенінің арнасы тазартылып, тереңдетілді, 200-ден астам жаңа жарық шамы орнатылды, 2 км-ден астам тротуар салынды, жаңа электр желілері жүргізілді. Су тасқынына қарсы іс-шаралар аясында 27 мың м³-тен астам қар шығарылып, қорғаныс бөгеттері мен қосымша су өткізу құбырлары төселді.
Тұрғындар су қысымының төмендігі, кәріз желілерінің тозуы және бірқатар көшелерді қосымша жөндеу қажеттігі туралы мәселе көтерді. Кездесу қорытындысы бойынша тиісті бөлімдерге инженерлік желілерді жаңғырту, жол жабынын жөндеу және мектеп маңына бағдаршамдар орнату жобаларын жеделдету тапсырылды.
Барлық мәселелер бақылауға алынды, әр бағыт бойынша жұмыс белгіленген тәртіппен жалғасын табады.