«Халық үніне құлақ асатын мемлекет» тұжырымдамасы аясында 12 қарашада «РИО» ОСО алаңында Көкшетау қаласы әкімдігінің бастамасымен «Қызмет алушы күні» өткізілді.

Іс-шараның мақсаты - мемлекеттік көрсетілетін қызмет ұсыну туралы тұрғындарды ақпараттандыру.
Іс-шараға Ақмола облысы әкімдігінің және ҚР Мемлекеттік қызмет істері агенттігінің Ақмола облысы бойынша департаментінің өкілдері қатысты.
Аталған іс-шараға 35-тен астам азамат қатысты.
Қызмет алушы күні қала тұрғындары өз сұрақтарын қойып, мемлекеттік қызметтер бойынша кеңес пен қажетті құжаттар тізімі жөнінде ақпарат алу мүмкіндігіне ие болды. Іс-шара барысында шешілмеген мәселелер бақылауға алынып, жұмыс тәртібінде шешілетін болады.
Іс-шарада көрсетілетін қызметті беруші Мемлекеттік органдардың өкілдері көрсетілетін қызметті алушыларға жер қатынастары, сәулет және қала құрылысы, тұрғын үй қатынастары, әлеуметтік-еңбек салаларында мемлекеттік қызметтер көрсету тәртібін, оның ішінде жер учаскелерін ресімдеу, тұрғын үйді жекешелендіру, әлеуметтік, тұрғын үй көмегін алу, оңалту құралдарын алу мәселелерін түсіндірді.