Көкшетауда еңбек қатынастары және әлеуметтік қорғау мәселелері бойынша жұмыс берушілермен кездесу өтті

Көкшетау қаласының жұмыспен қамту және әлеуметтік бағдарламалар бөлімі 2025 жылғы 27 тамызда Көкшетау қаласы әкімінің орынбасары Айгүл Бексұлтанқызы Нүгертаеваның төрағалығымен Көкшетау қаласының жұмыс берушілерімен ақпараттық-түсіндіру кездесуін өткізді.

Баяндаманы «Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы жөніндегі комитетінің Ақмола облысы бойынша департаменті» РМК басшысы Смайылов Амангелді Халаудинұлы жасады, сондай-ақ басқа да мүдделі ұйымдардың өкілдері қатысты.

Кездесу барысында еңбек заңнамасының өзекті мәселелері, еңбек шарттарын Бірыңғай еңбек шарттарын есепке алу жүйесінде тіркеу, ұжымдық шарттар жасау,әлеуметтік және медициналық аударымдарды төлеу тәртібі бойынша түсіндірмелер беріліп, қолданыстағы жұмыспен қамту және әлеуметтік қолдау бағдарламалары аясында мемлекеттік органдармен өзара іс-қимыл бойынша ұсыныстар берілді.

Жұмыс берушілер өздерін қызықтырған сұрақтарға жауаптар алды, сондай-ақ белгіленген тақырыптар бойынша ақпараттық материалдар алды.