2025 жылғы 16 шілдеде «Ашық диалог» жобасы аясында Станционный кентіндегі №7 мектепте Көкшетау қаласының әкімі Ануар Кумпекеевтің тұрғындармен кездесуі өтті.

Қала әкімі Әлібек Төлебаевты Станционный кентінің әкімі болып сайлануымен құттықтап, бірлескен тиімді жұмыстың маңыздылығын атап өтті.

Кездесу барысында тұрғын үй-коммуналдық шаруашылығы, жолдардың жай-күйі, абаттандыру және ауыз сумен қамту мәселелері талқыланды. Тұрғындар өз ұсыныстарын білдіріп, өзекті сұрақтарға жауап алды.

Кездесу қорытындысы бойынша айтылған мәселелер бойынша тиісті салалық бөлімдерге нақты тапсырмалар берілді.

Кездесу конструктивті және ашық түрде өтті.