11–12 сәуір күндері Алматы қаласында әр өңірден келген 12 талантты ұжымды біріктірген «Alem Star» халықаралық балалар мен жасөспірімдер шығармашылық байқауы өтті

✨ 11–12 сәуір күндері Алматы қаласында әр өңірден келген 12 талантты ұжымды біріктірген «Alem Star» халықаралық балалар мен жасөспірімдер шығармашылық байқауы өтті. Сахнада шабыт, өнер және жарқын бәсекелестікке толы ерекше атмосфера қалыптасты.

✨ Байқауда «Көкше» МҮ «Ритм» халық ансамблінің ересек тобы (14–18 жас) ерекше көзге түсті. Қатысушылар жоғары дайындық деңгейін, мінсіз үйлесімділік пен көркемдік шеберлікті көрсетіп, халықтық хореографияның терең мазмұнын жеткізе білді.

✨ Әсем костюмдер, әсерлі орындау және үйлесімді қимылдар көрермендер мен қазылар алқасының жоғары бағасына ие болды.

✨ Байқау қорытындысы бойынша қытай биін орындаған «Ритм» ансамблі Бас жүлдені (Гран-при) жеңіп алып, өздерінің жоғары деңгейі мен шығармашылық әлеуетін дәлелдеді.