Көкшетау қаласы әкімінің Красный Яр ауылдық округі тұрғындарымен кездесуі

2025 жылғы 10 шілдеде Красный Яр ауылының "Көкше" мәдениет үйінің акт залында Көкшетау қаласының әкімі Әнуар Күмпекеевтің округ тұрғындарымен кездесуі өтті.

Іс-шара барысында 2025 жылдың бірінші жартыжылдығындағы жұмыс қорытындысы шығарылды, сондай-ақ ауылдық округті дамыту жөніндегі ағымдағы қызмет туралы ақпарат ұсынылды.

Ауыл тұрғындары абаттандыруға, тұрғын үй-коммуналдық шаруашылыққа, сумен жабдықтауға, жолдардың жай-күйіне және басқа да өзекті тақырыптарға қатысты маңызды мәселелерді көтере отырып, талқылауға белсенді қатысты. Әр өтінішке тиісті түсініктемелер мен тапсырмалар берілді.