Ұлттық мереке – Республика күніне арналған салтанатты іс-шара өтті.

Бүгін облыстық Қаржы басқармасында Ұлттық мереке – Республика күніне арналған салтанатты іс-шара өтті.

Басқарма қызметкерлері — Аяпбергенова Гүлмира Малжадарқызы мен  Бабаков Қуаныш Қайыргелдіүлы — қаржы саласының дамуына қосқан елеулі еңбегі үшін Ақмола облысы әкімінің Алғыс хаты мен Құрмет грамотасымен марапатталды.

Республика күні алғаш рет мемлекеттік мереке деп 1995 жылы жарияланды. 25 қазан мереке күні кездейсоқ таңдалған жоқ: дәл осы күні, 1990 жылы Қазақ КСР Жоғарғы Кеңесінің Жарлығымен Мемлекеттік егемендік декларациясы қабылданған болатын. Бұл құжатта Қазақстанның тәуелсіздігінің негіздері бекітілді — өз аумағы, азаматтығы, мемлекеттік бюджеті, сыртқы саясаттағы дербестігі және мемлекеттік рәміздері.

2009 жылы заңға өзгерістер енгізіліп, мереке уақытша мемлекеттік күндер тізімінен шығарылды. Алайда он үш жылдан кейін, 2022 жылы, Республика күні қайтадан елдің басты мерекелерінің қатарына қосылып, қазақ халқының бірлігін, тәуелсіздігін және тарихи есте сақтауын бейнелейді.