Құрметті Есіл ауданының ішкі істер органдарының қызметкерлері мен ардагерлері!

Сіздерді Қазақстан Республикасының полициясы күнімен құттықтаймын.�Бұл әділдікті, адамның ар-намысы мен қадір-қасиетін, заңдылық пен қоғамдық тәртіпті қорғауды өз өмірінің басты ісі ретінде таңдаған рухы мықты, батыл және ержүрек адамдардың мерекесі. Сондықтан қоғамдағы тәртіп пен қала тұрғындарының өз қауіпсіздігіне деген сенімі Сіздерге және сіздердің жанкешті іс-әрекеттеріңізге байланысты.�Өмірінің басым көпшілігін маңызды игілікті мақсатқа арнаған құқық қорғау органдарының ардагерлерін ерекше атап өткім келеді.

Сіздер қызметте жақсы дәстүрлерді жалғастыра отырып, жас ұрпаққа баға жетпес тәжірибе берудесіз, ал олар болса жүктелген абыройын лайықты қорғай отырып, заң мен құқықтық тәртіптің мүдделеріне адал қызмет етуде.�Ішкі істер органдарының барлық қызметкерлері мен ардагерлеріне, олардың отбасы мүшелеріне зор денсаулық, бақыт және кәсіби табыс тілеймін!

Есіл ауданының әкімі Е.Баяхметов