Ауданы әкімінің атынан Нұрбике апаны Красногорский кентінің әкімі Т. Сейденов арнайы құттықтап, шынайы алғысын білдіріп, ізгі тілектерін жеткізді. Кездесу барысында оның ұзақ жылғы адал еңбегі, қайсарлығы, өмірлік даналығы және Жеңіске қосқан өлшеусіз үлесі ерекше аталып өтті.

Нұрбике апаның өмір жолы еңбекқорлықтың, рух мықтылығының және Отанға деген адалдықтың айқын үлгісі. Оның буыны ерлік пен жанқиярлықтың символы, ал олардың тағдыры еліміздің тарихының ажырамас бөлігі.

Нұрбике Қашмұлдинқызы жақындарын өзінің мейірімімен, даналығымен және ақ жүрегімен әлі талай қуанта берсін. Мықты денсаулық, амандық және ұзақ ғұмыр тілейміз!