2026 жылға арналған «Халық қатысатын бюджет» шеңберінде жоба ұсыныстарын қабылдау басталатынын хабарлайды.

Құрметті Ерейментау қаласының тұрғындары!

 

       Ерейментау қаласының әкімдігі 2026 жылға арналған «Халық қатысатын бюджет» шеңберінде жоба ұсыныстарын қабылдау басталатынын хабарлайды. Бұл — қаламыздың инфрақұрылымын жақсарту бойынша өз ұсыныстарыңызды енгізуге тамаша мүмкіндік.

 

Жоба ұсыныстарын тапсыру тәртібі:
Ұсыныстарды қабылдау мерзімі: 2026 жылдың 20 қаңтарынан 1 наурызына дейін (қоса алғанда).

 

Жоба ұсыныстары келесі бағыттарды қамтуы мүмкін:

       1) аумақты көгалдандыру;

       2) тротуарларды жайластыру;

       3) тротуарларды, пандустарды, арықтарды салу және жөндеу;

       4) ортақ пайдалану орындарын құру, жөндеу және жарықтандыру (саябақтар, скверлер, жаяу жүргіншілер аймақтары, көшелер және өзге де объектілер);

       5) бордюрларды, брусчаткаларды, тіреуіш қабырғаларды жөндеу;

       6) қоқыс тастайтын жерлерді жою;

       7) ортақ пайдалану орындарында күркелер, орындықтар, урналар және балалардың ойнауы және ересек тұрғындардың демалуы үшін жабдықтар мен конструкциялар орнату және жөндеу;

       8) аула аумақтарында және ортақ пайдалану орындарында спорттық (жаттығу алаңдарын, футбол, баскетбол, волейбол алаңдарын), балалар ойын алаңдарын орнату, жөндеу және жарықтандыру;

       9) санитарияны қамтамасыз ету.

 

Жоба ұсынысын қалай тапсыруға болады:

1. Жобаны Ерейментау қаласының әкімдігінің ресми сайты арқылы (ЭЦҚ арқылы) ұсынуға болады Дауыс/ беру және жүзеге асыру:

• Ұсыныстар жиналғаннан кейін және дауыс беру өткізілгеннен кейін, ең көп дауыс жинаған жобалар «Халық қатысатын бюджет» шеңберінде жүзеге асырылатын болады.
• Дауыс беру 2025 жылдың 5 сәуірінен 23 сәуірі (қоса алғанда, сағат 18:30-ға дейін) өтеді.
• Таңдалған жобаларды жүзеге асыру ағымдағы қаржылық жылы басталады.

       Біз әрбіріңізді қаламызды жақсартуға белсенді қатысуға шақырамыз! Сіздің пікіріңіз бен бастамаларыңыз — жалпы әл-ауқат үшін маңызды.

       Қосымша ақпарат алу және ұсыныстарды беру үшін Ерейментау қаласының әкімдігіне жүгініңіз.