Қазақстан Республикасының Конституция күнін мерекелеу қарсаңында 2021 жылғы 26 тамызда "Еңбек жолы"конкурсының өңірлік жеңімпаздарын марапаттаумен салтанатты іс-шара өткізілді.
Ақмола облысының әкімі Е.Б. Маржықпаев "Еңбек жолы"өңірлік конкурсының жеңімпаздарына атаулы дипломдар мен бағалы сыйлықтар табыс етті.
Ағымдағы жылы "Еңбек жолы" конкурсына қатысу үшін 3 номинация бойынша 22 өтінім берілді:
- Үздік еңбек әулеті-6 өтінім;
- Жұмыс істейтін жастардың үздік тәлімгері-6 өтінім;
- Өндірістің үздік жас маманы - 10 өтінім.
Жеңімпаздарды іріктеу екі кезеңде өтеді: өңірлік және республикалық деңгейде.
Конкурс жеңімпаздарын өңірлік деңгейде іріктеу үшін Ақмола облысы әкімінің орынбасары Е.Рамазановтың төрағалығымен және жұмыспен қамтуды үйлестіру және әлеуметтік бағдарламалар басқармасының, мемлекеттік еңбек инспекциясы қызметкерлерінің, сондай-ақ аумақтық кәсіподақтар бірлестіктері мен өңірлік кәсіпкерлер палаталары өкілдерінің қатысуымен конкурстық комиссия құрылды.
Конкурстық комиссия "Еңбек жолы"конкурсының өңірлік кезеңінің жеңімпаздарын анықтады:
- "Үздік еңбек әулеті" номинациясы бойынша Шортанды ауданы "Қазақалтын ТКМК" АҚ "Жолымбет Кеніші" филиалының құрамында алтыны бар кендерді байыту аппаратшысы - Бейсембенова Арина Қайратқызы;
- "Жұмыс істейтін жастардың үздік тәлімгері" номинациясында Степногорск қ. "ЕПК Стпеногорск" АҚ автоматты желілердің реттеушісі - Шкрет Сергей Алексеевич;
- "Өндірістің үздік жас маманы" номинациясында Көкшетау қ. "Көкшетау Энерго" ЖШС релелік қорғау және автоматика орталық қызметінің жетекші инженері - Әшімов Әділбек Бейбітұлы.
2021 жылғы 27 тамызда Ақмола облысының еңбек инспекциясы жөніндегі басқармасында Ақмола облысы әкімінің орынбасары Е. Рамазановтың алғыс хаттарымен және бағалы сыйлықтармен номинациялар бойынша 2 және 3 орын алған "Еңбек жолы" өңірлік конкурсына қатысушылар марапатталды.
Сондай-ақ, қатысушылар үшін Көкшетау қаласының көрікті жерлеріне экскурсия ұйымдастырылды.
"Еңбек жолы" конкурсының өңірлік деңгейі жеңімпаздарының материалдары "Қазақстан Республикасы Еңбек және халықты әлеуметтік қорғау министрлігіне алдағы уақытта республикалық деңгейде қатысу үшін жіберілді.