XXI ғасырдағы интернет алаяқтық мәселесі

«Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Ақмола облысы бойынша департаменті» РММ-де Ақмола облысы ПД өкілінің және мемлекеттік еңбек инспекторларының қатысуымен профилактикалық жұмыс жүргізілді. Іс-шара барысында құқық бұзушылықтың заманауи түрлеріне қарсы іс-қимылдың өзекті мәселелері талқыланды. Кеңестің негізгі тақырыбы XXI ғасырдағы интернет-алаяқтық, сондай-ақ заңсыз алынған қаражатты қолма-қол ақшаға айналдыру және аудару үшін жалған тұлғаларды пайдалануымен байланысты дропперлік құбылысы болды. Қатысушыларға интернет-алаяқтықтың негізгі схемалары, азаматтарды заңсыз әрекеттерге тарту тәсілдері, сондай-ақ мұндай жағдайлардың алдын алу шаралары түсіндірілді. Цифрлық сервистер мен қаржылық құралдарды пайдалану кезінде азаматтардың құқықтық сауаттылығын, қырағылығын және жауапкершілігін арттыруға ерекше назар аударылды. Кездесу қорытындысы бойынша күмәнді әрекеттерді уақтылы анықтау жөнінде ұсынымдар беріліп, заңсыз схемаларға қатысқаны үшін жауапкершілік шаралары түсіндірілді.