Ақмола облысының дарынды оқушылары республикалық деңгейде өңірдің абыройын асқақтатты

Жетісу облысы Талдықорған қаласында жалпы білім беру ұйымдарының 8-11 сынып оқушылары арасында республикалық «Ілияс Жансүгіров оқулары» байқауының қорытынды кезеңі өтті.

Іс-шара мектеп оқушылары арасында Ілияс Жансүгіров шығармаларын насихаттауға, оқушылардың шығармашылық қабілеттерін, эстетикалық талғамдарын, талантты мен дарындыларын анықтауға бағытталған.

Байқаудың қорытынды кезеңіне 3 ақмолалық дарынды оқушы қатысты.

Республикалық кезеңнің қорытындысы бойынша:

IІ-дәрежелі дипломмен «Сұлу сөздің сүлейі» номинациясы бойынша Аршалы ауданы Иманжүсіп Құтпанұлы атындағы Жібек жолы ауылының  жалпы орта білім беретін мектебінің 9- сынып оқушысы Нұрланқызы Қарақат марапатталды.

ІІІ-дәрежелі дипломмен:

1. «Ілияс – қарасөз шебері» - көркем сөз оқу номинациясы бойынша Алиева Айгерім - Көкшетау қаласының № 1 мектеп-гимназиясының 9-сынып оқушысы;
2. «Жаз!Жаз!Қалам, жорғалап» - жас ақындар номинациясы бойынша Ахметжанова Аяулым - Бұланды ауданы Қараөзек ауылының жалпы орта білім беретін мектебінің 9-сынып оқушысы марапатталды.

Құттықтаймыз!