Ақмолалық жас педагогтер республикалық педагогикалық олимпиадасының жүлдегерлерінің үштігіне енді

Ақмолалық жас педагогтер республикалық педагогикалық олимпиадасының жүлдегерлерінің үштігіне енді

Қазақстан Республикасының Оқу-ағарту министрлігінің «Дарын» республикалық ғылыми-практикалық орталығы 2025 жылдың 14-16 наурыз күндері Алматы қаласындағы Шоқан Уалиханов атындағы жекеменшік мектеп алаңында  «Дарынды балаларға - талантты ұстаз» республикалық педагогикалық олимпиадасын өткізді.

Педагогикалық олимпиадаға еліміздің түкпір түкпірінен 160 тан астам жас маман қатысты.Онын ішінде 116 педагог, 20 педагог-психолог және 47 тәлімгер. Қазылар алқасы ЖОО-ның оқытушылары, мектептің алдыңғы қатарлы басшылары мен практик-педагогтерінен құралды.

Ұйымдастырушылардың айтуынша, олимпиада мазмұны кәсіби білім беру аясында педагог тұлғасының шығармашылық өзін-өзі анықтау және өзіндік жетілу қабілетін, білім беру үрдісінде кәсіби педагогикалық шеберліктерін көрсетуге мүмкіндік беретін конкурс тапсырмаларын қарастырады.

«ТЕD форматында ұсынылған педагогикалық идея барысында мұғалімдер өздерінің негізгі жұмыс жүйесін, кәсіби құзыреттілік деңгейін, технологиялық және коммуникативтік мәдениетті, сабақтың эстетикасын, оқу үрдісін талдай білуді тәжірибелік түрде жүзеге асырды»,-  деп толықтырды «Дарын» орталығының өкілдері.

Ақмола облысынан республикалық турға облыстық кезеңнің 8 жас педагог жеңімпазы қатысты.

Олимпиада қорытындысы бойынша ІІ дәрежелі дипломмен:

  1. І саты -жас педагог: Мейрам Кәмила Сүйіндікқызы, Степногорск қаласы бойынша білім бөлімінің Бестөбе кентінің №1 жалпы орта білім беретін мектебінің математика және физика пәні мұғалімі;
  2. ІІ саты - педагог-психолог (логопед-дефектолог): Лина Нұрланқызы, Қосшы қаласының № 4 жалпы орта білім беретін мектебінің мұғалімі;
  3. ІІІ саты – тәлімгер: Курманиязова Салтанат Жандосовна, Целиноград ауданы бойынша білім бөлімінің Ақмол ауылының жалпы орта білім беретін мектебінің мұғалімі марапатталды.

ІІІ дәрежелі дипломмен тәлімгерлер:

  1. Паценко Ангелина Сергеевна, Атбасар қаласының № 2 жалпы орта білім беретін мектебінің мұғалімі;
  2. Алпысова Зере Дархановна, Жақсы ауданы бойынша білім бөлімінің Жақсы ауылының № 1 жалпы орта білім беретін мектебінің мұғалімі марапатталды.

Үш педагог ерекше жетістіктері үшін грамоталармен марапатталды:

  1. Жаргөлбай Риза Еркінқызы, Көкшетау қаласының № 6 мектеп-лицейінің ағылшын тілі пәні мұғалімі
  2. Караманова Гулнур Максетовна, Көкшетау қаласы,Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының информатика пәні мұғалімі;
  3. Пермахан Нуртилеу, Ақкөл қаласының Жайық Бектуров атындағы № 3 жалпы орта білім беретін мектебінің информатика пәні мұғалімі.

Құттықтаймыз