ІІІ Республикалық Мәшһүр-Жүсіп оқулары қорытындысы

2023 жылғы 10-13 мамыр күндері аралығында  8-11 сынып оқушылары арасында  дәстүрлі ІІІ Республикалық Мәшһүр-Жүсіп оқулары Павлодар қаласында өткізілді. Республика бойынша 17 облыстан 63 дарынды оқушылар қатысты. Байқау қатысушыларына Павлодар қаласының көрнекті орындарына саяхат ұйымдастырылды.

Байқаудың негізгі мақсаты – философ-ақынның рухани мұрасын дәріптеу, шығармаларында бейнеленген туған жерге сүйіспеншілік, белсенді азаматтық ұстанымды өскелең ұрпақта тәрбиелеу; тұлғаның зияткерлік және шығармашылық әлеуетін дамыту.

Байқау 4 бағыт бойынша өткізілді:

I бағыт – «Алдыма өлең жаз деп қағаз келген, Сөзімді сөйлеп бақтым мен де білген» ақындар мүшәйрасы.

II бағыт – «Бас болып өнер білсең, тіпті жақсы» атты ғылыми жоба қорғау.

III бағыт - «Білімді зерек адам болам!» - десең, Қара өзіңді басқаның айнасымен» эссе жазу бағыты.

IV бағыт - «Мәшһүр-Жүсіп  шығармалары және «Ұлы даланың ұлы есімдері»

Байқауға Ақмола облысының ІІІ Республикалық Мәшһүр-Жүсіп оқулары облыстық кезеңінде 1 орын алған 2 жеңімпаз қатысты.

Мәшһүр-Жүсіп оқуларының қорытындысы бойынша:

1. Ақмола облысы білім басқармасының Көкшетау қаласы бойынша білім бөлімі Көкшетау қаласының № 19 жалпы орта білім беретін мектебінің 9-сынып оқушысы Әскер Аяулым «Бас болып өнер білсең, тіпті жақсы» бағыты ғылыми жоба зерттеу және қорғау бойынша Бас жүлдеге ие болды.

2.Ақмола облысы білім басқармасының Көкшетау қаласы бойынша білім бөлімі Көкшетау қаласының Мәлік Ғабдуллин атындағы № 3 көпсалалы  гимназиясының 10-сынып оқушысы Ақылбай Диас «Мәшһүр-Жүсіп  шығармалары және «Ұлы даланың ұлы есімдері» бағыты бойынша сертификат алды.

Шың жүректен құттықтаймыз!!!