Идеядан өнертабысқа дейін: Көкшетаулық жас ғалымдар ормандарды құтқару жүйесін жасады

Нағыз инновациялар қызығушылық пен әлемді жақсы жаққа өзгертуге деген ұмтылыс бар жерде дүниеге келеді. Соның жарқын дәлелі — Көкшетау қаласындағы Bolashaq Saraiy балалар мен жасөспірімдер сарайының тәрбиеленушілері — Ілиясов Арнур, Ерікұлы Ескендір, Асылбек Мұхамед.

Жас өнертапқыштар «Орман өрттерін анықтау жүйесі» жобасы үшін «Казпатенттің» ресми сайтында авторлық куәлік алды.

Жобаның тарихы 2025 жылы Агрохакатон аясында басталды. Сол кезде оқушылар өздерінің алғашқы идеясын ұсынған болатын. Бастапқыда бұл тек тұжырымдама еді, алайда оның өзектілігі бірден назар аудартты. Байқаудан кейін команда тоқтап қалмай, өз жобаларын жетілдіріп, тақырыпты тереңірек зерттеп, идеяны толыққанды ғылыми жобаға айналдырды.

Жобаның басты мақсаты — орман өрттерін ерте кезеңде анықтау. Бұл өте маңызды, себебі өрттің алғашқы минуттары мен сағаттары оның салдарының қаншалықты ауқымды болатынын айқындайды. Уақтылы берілген белгі өрттің таралуының алдын алып, экожүйелерді сақтауға және адамдарға төнетін қауіп-қатерді азайтуға көмектеседі.

Авторлық куәлік алу жас әзірлеушілер үшін маңызды кезең болды. Бұл құжат олардың өнертабысына деген құқықтарын бекітіп қана қоймай, жаңа мүмкіндіктерге жол ашады — технологияны енгізуден бастап оны коммерцияландыруға дейін. Ең бастысы — олардың ғылым жолында әрі қарай дамуына үлкен серпін береді.

Құттықтаймыз!