Ақмола облысының командасы «Қалқан» республикалық спартакиадасында күміс жүлдеге ие болды

Алматы қаласында «Қалқан» V қысқы республикалық спартакиадасы өтті. Аталған жарысқа Ақмола облысынан Щучинск қаласындағы Жоғары педагогикалық колледжінің студенттер командасы қатысты.

Жарысқа еліміздің 15 облысынан келген студенттер спорттың келесі түрлері бойынша бақ сынасты: пневматикалық мылтықтан ату, турникке тартылу (ұлдар), шалқасынан жатып денені көтеру (қыздар), шаңғы жарысы.

Тартысты дода қорытындысы бойынша біздің спортшылар жоғары нәтижелер көрсетті.

Жеке есепте жүлдегер атанғандар:

- Максим Гучинский – шаңғы жарысынан 2 орын, үшсайыс қорытындысы бойынша 2 орын;

- Мария Жигулина – пневматикалық винтовкадан атудан 3 орын, шаңғы жарысынан 1 орын, үшсайыс қорытындысы бойынша 2 орын;

- Андрей Ерещенко – үшсайыс қорытындысы бойынша 3 орын.

Команда өкілі – Мухамеджанов Қ.М.

Жалпы командалық есеп бойынша 2-орынды иеленді.

Жеңімпаздарға дипломдар, медальдар және кубоктар табысталды.

Құттықтаймыз!