Ақмола облысы колледж түлектерін табысты жұмыспен қамту арқылы кадрлық әлеуетін нығайтуда

Ақмола облысында Жұмысшы мамандықтар жылы аясында жүзеге асырылатын іс-шаралар жоспарына, соның ішінде техникалық және кәсіби білім беру ұйымдарының үздік түлектерін жұмыспен қамтуға бағытталған тармаққа сәйкес, олардың жұмыспен қамтылуын қамтамасыз ету және аймақтық еңбек нарығында бекітілуіне бағытталған жүйелі және мақсатты жұмыс жүргізілуде.

Облыстың білім басқармасының ТжКБ бөлімінің басшысы Нажмиден Нұралиннің айтуынша, бүгінгі күні облыс бойынша колледждердің 50 үздік түлегі жұмыспен қамтылды. Олардың қатарында жоғары кәсіби дайындықты, жауапкершілікті және кәсіби өсуге ұмтылысты көрсеткен 25 үздік диплом иегері бар.

«Сонымен қатар, «Қазақстан колледждерінің ТОП–100 үздік студенттері» республикалық конкурсының жеңімпаздары арасынан 6 студент жұмыспен қамтылды. Олар кәсіби құзыреттіліктің жоғары деңгейін ұлттық деңгейде дәлелдеді»,- деп қосты Нажмиден Нұралин.

Түлектер Степногорск подшипник зауыты, «Көпбейінді облыстық аурухана» ШЖҚ ГКП, «БЛЭК» ЖШС, «КАМАЗ орталығы» ЖШС, «Тыныс» АҚ, «Altyntau Kokshetau» АҚ сияқты өңірдің жетекші кәсіпорындарына жұмысқа орналастырылды.

Бүгінгі күні түлектердің жұмыспен қамтылу үлесі 92%-ды құрайды. Бұл ТжКБ жүйесі түлектерін жұмыспен қамтуға жәрдемдесу бойынша жүзеге асырылып жатқан шаралардың жоғары тиімділігін көрсетеді.

Атап айтсақ, жүргізіліп отырған жұмыс жас мамандардың табысты кәсіби жүзеге асуына, олардың бәсекеге қабілеттілігін арттыруға және Ақмола облысының кадрлық әлеуетін нығайтуға мүмкіндік береді.