Болашақ көшбасшылары: ақмолалық оқушылар республикалық білім беру интенсивіне қатысты

Республикалық қосымша білім беру оқу-әдістемелік орталығының ұйымдастыруымен Павлодар қаласында оқушылардың өзін-өзі басқару көшбасшылары үшін «Көшбасшылықты дамыту: стратегиялар мен құралдар» республикалық білім беру интенсиві өткізілді.

Еліміздің барлық өңірлерінен келген 80 көшбасшысы мектептегі өзін-өзі басқару, көшбасшылық саласындағы білімдерін кеңейту, идеяларымен бөлісу үшін жиналды.

Ақмола облысынан облыстық кезеңнің іріктеу турынан өткен мектеп өзін-өзі басқарудың үздік көшбасшылары интенсив жұмысына қатысты:

- Андрияшина Милана – Есіл ауданы;

- Какимжанова Жансая – Шортанды ауданы;

- Бейсембай Мадина – Степногорск қаласы;

- Жуманова Аружан – Аршалы ауданы.

Екі күн бойы қатысушылар тренингтерге, мастер-кластарға, пікірталастарға қатысып, өздерінің көшбасшылық қабілеттерін, шығармашылық мүмкіндіктерін көрсетті.

Интенсивке белсене қатысқан Ақмола облысының оқушылары арнайы сертификаттермен марапатталды.