Ақмола облысында инклюзивті білім беру желісі кеңеюде

Көкшетау қаласының "ЭКОС" No13 мектеп-гимназиясы" КММ базасында "Самұрық-Қазына" АҚ, Baquatty Aimaq Qory, ANSA, ESEN Foundation, Болашақ қорларының қаражаты есебінен инклюзивті практикаларды енгізу бойынша ресурстық орталықтың ресми ашылуы өтті. Ресурстық орталықта ерекше білім беру қажеттіліктері бар балалар үшін барлық қажетті жағдайлар жасалған - бұл адаптивті дене шынықтыру кабинеті, қараңғы сенсорлық бөлме, интеграцияланған сенсорлық бөлме, қозғалыс белсенділігі үшін жабдық, интерактивті панель, логопедиялық зондтар.

Іс-шараға Ақмола облысы әкімінің орынбасары Алтынай Байкадамқызы Әміренова, "Самұрық-Қазына" АҚ басқарушы директоры Ғибрат Қайратұлы Ауғанов, Baquatty Aimaq Qory, ANSA, ESEN Foundation, Болашақ қорларының өкілдері, сондай-ақ балалар мен ата-аналар қатысты.                                  Алтынай Әміренованың айтуынша, Ақмола облысында ерекше білім беру қажеттіліктері бар 13,5 мыңға жуық бала тұрады:

"Мұндай кабинеттердің ашылуы балалар үшін қолайлы орта құру, олардың дамуы және жалпы білім беру үдерісіне табысты ықпалдасу үшін зор маңызға ие. Қасым-Жомарт Кемелұлы Тоқаев Ұлттық құрылтай отырысында сөйлеген сөзінде ерекше білім беру қажеттіліктері бар балаларды тәрбиелеу мен оқытудың маңыздылығын ерекше атап өтті. Мемлекет басшысының бастамасын қолдай отырып, балаларды қолдаудың маңыздылығын атап өткім келеді және "Самұрық-Қазына" АҚ-на Ақмола облысының инклюзивті білім беруді дамытуға қосқан үлесі үшін алғыс білдіремін".

Бүгінде өңірде инклюзивті білім беруді қолдаудың 126 кабинеті жұмыс істейді, онда 2500-ден астам бала оқиды, олармен 470 педагог жұмыс істейді.