ҚАЗАҚСТАНДАҒЫ АҚПАРАТТЫҚ ҚАУІПСІЗДІК ЖӘНЕ ДРОППЕРЛІККЕ ҚАРСЫ КҮРЕС: 2025 ЖЫЛ ҚОРЫТЫНДЫСЫ

ҚАЗАҚСТАНДАҒЫ АҚПАРАТТЫҚ ҚАУІПСІЗДІК ЖӘНЕ ДРОППЕРЛІККЕ ҚАРСЫ КҮРЕС: 2025 ЖЫЛ ҚОРЫТЫНДЫСЫ
Қазақстанда қылмыстық заңнамадағы өзгерістер туралы азаматтарды ақпараттандыру жұмыстары қарқынды жалғасуда. 2025 жылдың басынан бастап банк шоттары мен төлем құралдарына қолжетімділікті заңсыз беруге, яғни «дропперлікке» қатысты қатаң жауапкершілік енгізілді.
Ақпараттық қамту ауқымы
Ішкі істер министрлігі (ІІМ) мүдделі мемлекеттік органдармен бірлесіп ауқымды түсіндіру жұмыстарын жүргізді.
Бүгінгі таңда 6 400-ден астам ақпараттық материал жарияланды: • БАҚ-та - 3 106 материал: – Ақпарат агенттіктері: 1 803
- Телеарналар: 248 сюжет
- Баспа басылымдары: 211 мақала
• Әлеуметтік желілерде - 3 380 жарияланым: - Instagram: 1 638
- Facebook: 1 253
- Telegram: 251
Жастарға ерекше көңіл бөлінуде.
«Қарызсыз қоғам» жобасы аясында «Қаржылық сауаттылық негіздері» курсы енгізілді. 2025 жылдың қарашасынан бастап цифрлық қауіпсіздік сабақтары еліміздің 90 ЖОО мен 263 колледжіндегі 164 мың студентті қамтыды.
Жылдың негізгі бастамалары: • АФМ онлайн-форумы - елордада 1,3 мың студентті біріктірді.
• «Qarzhy Saqshysy» ойыны - жоғары сынып оқушылары мен студенттерге арналған интерактивті оқу форматы.
• «Жаһандық құзыреттер» курсы - барлық мектептерде апта сайын өтетін жеке қауіпсіздік сабақтары.
Бас прокуратура мен Ұлттық Банк цифрлық арналарды белсенді қолдануда. Банктер мен полицияның жедел өзара іс-қимылын қамтамасыз ететін Ұлттық Банктің Антифрод орталығы іске қосылды.
14 млн қолданушысы бар eGov порталында қылмыстық жауапкершілік туралы ескертулер жарияланды. Екінші деңгейлі банктер де PUSH-хабарламалар мен мобильді қосымшалардағы оқыту видеолары арқылы ақпараттық науқанға қосылды.
Негізгі үндеу қарапайым:
Банк картаңызды үшінші тұлғаға беру - «жеңіл табыс» емес, қылмысқа сыбайласу.
Қаржылық сауаттылықты арттыру және азаматтарды интернет-алаяқтықтан қорғау жұмыстары жоспарлы түрде жалғасуда.