Көктемнің цифрлық сәлемі: AI-аватар Наурыз мерекесінің ашылуын жасады.

Цифрландыру және архивтер басқармасында Наурыз мейрамына арналған мерекелік іс-шаралар ресми түрде басталды. Көрісу күні — амандасу мен жаңару мерекесіне орай бірегей жоба:интерактивті AI-аватар таныстырылды.
Жасанды интеллект технологиясы мекеме қонақтары мен қызметкерлеріне цифрлық интерфейс арқылы ұлттық мереке атмосферасына енуге мүмкіндік берді. AI-аватар қатысушыларды мемлекеттік тілде құттықтап қана қоймай, Амал мерекесінің мән-мағынасы туралы тарихи деректермен бөлісті. Заманауи IT-шешімдердің мәдени дәстүрлермен ұштасуы басқарманың қоғамдық өмірдің барлық саласын цифрлық трансформациялауға деген ұмтылысын айқындай түседі.