Ақмола облысында «Digital Aqmola» және «Қазақтелеком» компанияларымен бірлесіп жүзеге асырылып жатқан «Біріккен дрондар инфрақұрылымы» атты амбициялы жоба іске қосылды.

Ақмола облысында «Digital Aqmola» және «Қазақтелеком» компанияларымен бірлесіп жүзеге асырылып жатқан «Біріккен дрондар инфрақұрылымы» атты амбициялы жоба іске қосылды. Бұл жай ұшқышсыз аппараттардың ұшуы ғана емес, қала мен табиғатты қорғайтын толыққанды интеллектуалды жүйе.

Аймаққа «ақылды аспан» не үшін қажет?
Жоба әрбір тұрғынға тікелей әсер ететін үш негізгі міндетті шешеді:
• Жедел мониторинг: Мобильді дрондар мен жасанды интеллект мектептер мен жолдардың құрылысын, жылу желілерінің жағдайын нақты уақыт режимінде бақылайды.
• Тәуекелдерді болдырмау: Жасанды интеллект жылудың ағып кетуін, заңсыз қоқыс аландарын және пайдалы қазбаларды пайдаланудағы бұзушылықтарды олар баса көрінерлік мәселеге айналмас бұрын анықтайды.
• Өмір сапасы: Технологиялар экологиялық қауіпсіздікті қамтамасыз етеді және тасқындарға немесе орман өрттеріне жедел жауап беруге көмектеседі.

«Заманауи ұшқышсыз технологияларды қолдану бізге нақты уақыт режимінде объективті деректер алуға мүмкіндік береді. Бұл адам факторын толығымен жояды және процестердің максималды ашықтығын қамтамасыз етеді. Біз технологиялардың алдын ала жұмыс істейтін, біздің аймақтағы өмірді қауіпсіз және ыңғайлы ететін ортаны құрудамыз», – деп Ақмола облысының цифрландыру және мұрағаттар басқармасының басшысы Мағжан Ержан атап көрсетті.

Сынақ кезеңінде «сандық патруль» Көкшетау мен Қосшыда қазірдің өзінде орналастырылған. Алыс елді мекендерді тексеру үшін арнайы мобильді ұшқышсыз аппараттар қолданылады, бұл облыстың қол жетімсіз аудандарын да қамтуға мүмкіндік береді.

Ақмола облысы сандық шешімдерді енгізуде алғашқылардың біріне айналып, «Ақылды қала» тұжырымдамасын нақты іске айналдыруда. Бірге болып, біз өз аймағымызды ақылдырақ және қауіпсіз етеміз!